Rubus fruticosus L.

Кимёвий таркиби

Р витамини бор. Таркибида органик кислоталар (лимон, никотин, олма ва бошқалар), темир, танинлар, биофлавоноидлар ва турли витаминлар – А, C ва В гуруҳидаги витаминлар мавжуд.

Ишлатиладиган қисми

Маълумот киритилмаган

Фойдаланиш учун кўрсатмалар

Маймунжон кучли ҳимоя хусусиятларига эга, у иммунитет тизимини мустаҳкамлайди. Мазкур мева таркибида мавжуд бўлган фенол бирикмалари инсон томирларига фойдали таъсир кўрсатади – улар капиллярларнинг деворларини мустаҳкамлайди, барча томирларнинг деворларини эластикигини оширади, қоннинг қуюқлашиши ва қон қуйқалари пайдо бўлишининг олдини олади. Ўткир респиратор касалликларининг ривожланишида маймунжон мевларини ҳар қандай шаклда ишлатиш жуда фойдали – тана ҳароратини самарали равишда пасайтиради, иситмадан халос бўлишга ёрдам беради, чанқовни қондиради. Ичакдаги муаммолар бўлса, мевадан фойдаланиш тавсия этилади. Бундан ташқари, агар пишмаган меваларни истеъмол қилинса, улар мустаҳкамловчи таъсирга эга бўлади (бу сурункали диарея билан курашишга ёрдам беради) ва агар тўлиқ пишиб кетган мевалари истеъмол қилинса, унда ич юмшатувчи таъсир кўрсатади – сурункали ич қотишидан халос бўлиш кафолатланади.

Рецептлар

Маймунжон сиропи дизентерияни даволаш учун тайёрланади. 250 г мева учун 500 г қандни олиб, қуюқ сироп ҳосил бўлгунча секин оловда пиширилади. Совутилган сироп кунига 3-4 ош қошиқдан ейилади. Халқ табобатида сурункали ичак катараси мевалари, шунингдек, янги ва қуритилган барглар ёрдамида даволанади. Тинчлантирувчи ва мустаҳкамловчи восита сифатида, айниқса, менопауза пайтида, чой шаклида мевалари тавсия этилади. Ва жазава учун тинчлантирувчи восита сифатида барглари дамлама шаклида ишлатилади, атеросклероз ва гипертензияни даволашда ишлатилади.
Стоматит (оғиз шиллиқ қаватининг яллиғланиши) ва томоқ оғриғида чайиш учун барглари дамламасидан фойдаланиш тавсия этилади. Бунинг учун 50 г барг устига 1 литр қайноқ сув солиб, 15-20 дақиқа тиндирилади, сўнгра дока орқали фильтрланади. Баргларнинг дамламаси балғам кўчирувчи восита сифатида юқори нафас йўлларининг касалликларида ҳам қўлланилади. 1 стакан қайноқ сув учун 1 ош қошиқ майдаланган барглар, 4 соат тиндирилиб, овқатдан 30 дақиқа олдин кунига 100 г дан 3 марта ичилади. Ўпкадан қон кетганда дамламаси ҳар 2 соатда ичилади. Новдаларидан тайёрланган қайнатмаси нафас қисилишига ёрдам беради. Баргларида фитонцидлар мавжудлиги сабабли яраларни даволовчи ва яллиғланишга қарши хусусиятларга эга. Эзилган янги барглар яралар, темираткилар, сурункали ва йирингли яраларга қўлланилади.
Жуда узоқ ва кўп ҳайз кўришда баргларининг дамламаси ишлатилади. Дамламаси умумий аҳволни яхшилайди ва уйқуни нормаллаштиради, қўзғалувчанликни пасайтиради.

Бошқа хусусиятлари

Озуқабоп, асал-ширали.

Манба

1.https://okeydoc.ru/ezhevika-polza-i-vred/ 2.https://www.zooeco.com/0-plant/0-plant-88.html

Эслатма

Маданийлаштирилган.

Тадқиқот давомида олинган маълумотлар

Маълумот киритилмаган