Portulaca oleracea L.

Кимёвий таркиби

Семизўтнинг ер усти қисмида оқсиллар, шакар, микроэлементлари (рух, мис, марганец, никел, темир), макроэлементлар (кальций, магний, натрий, калий), органик кислоталар, алкалоидлар, сапонинлар ва бошқа гликозидлар, норадреналин, кўп миқдорда витаминлар – каротин, токоферол, аскорбин кислотаси (0,3% гача), никотин кислота ва филлохинон, шиллиқ ва қатронли моддалар; уруғларида – ёғли мойлар, шу жумладан линолин, олеин, пальмитин ва бошқа ёғ кислоталари мавжуд.

Ишлатиладиган қисми

Гуллари, новдалари, уруғлари, барглари

Фойдаланиш учун кўрсатмалар

Семизўтнинг фойдали хусусиятлари унинг танани тозалаш, касалликдан кейин кекса одамларнинг танасида кучни тиклаш қобилиятини ўз ичига олади. Семизўт барглари илон чақиши, ҳашаротлар чақиши, дизентерия ва уйқу бузилиши учун фойдалидир. Буйрак ва жигар касалликларида ҳам даво сифатида ишлатилади. Биласизми? 19-асрда Россияда жинсий истакни бостириш учун семизўт барглари овқатга кўп миқдорда қўшилган. Семизўт қуйидаги муаммолар учун ҳам ишлатилади: цинга, метеоризм, витамин етишмаслиги, импотенция, трихомонада кольпити, тангачали темиратки, ички қон кетиш, диабет, яралар, язвалар, геморрой, бош оғриғи, конъюнктивит, артрит, сийдик пуфаги касалликлари, ошқозон патологияси, гипотензия, энтероколит. Доривор компонентлари юрак тезлигини оширади, қон томирларини торайтиради, қондаги қанд ва холестерин миқдорини пасайтиради, қон босимини оширади, яллиғланиш жараёнларини енгиллаштиради. Шунингдек, семизўт ёрдамида бронхиал астма даволанади, хавфли ва хавфсиз ўсмаларни даволаш учун ишлатилади. Хитой халқ табобатида семизўт гонорея, артрит, жигар, буйрак касалликлари, дизентерия, юқумли фалаж ва заҳарли илонлар, асаларилар, ари чаққанда заҳарини зарарсизлантириш воситаси сифатида ишлатилади.

Рецептлар

Семизўт дамламаси сийдик ҳайдовчи ва яллиғланишга қарши таъсирга эга (1 ош қошиқ ўтга бир стакан қайноқ сув қуйилади, 2 соатга қолдирилади ва 2 ош қошиқдан кунига 3-4 марта ичилади). Ўсимлик дамламаси адреналин ўрнини босувчи сифатида ишлатилиши мумкин. Ўсимлик юрак фаолиятини кучайтириши ва қон томирларининг сезиларли торайиши билан қон босимини ошириши илмий жиҳатдан исботланган. Ўсимлик дамламаси жигар касаллиги, буйрак касаллиги, дизентерия учун сийдик ҳайдовчи ва антитоксик восита сифатида тавсия этилади. Семизўт жинсий заифлик учун ишлатиладиган ўтларнинг бир қисмидир. Ташқи томондан, ярани даволовчи восита сифатида янги шарбати ёки семизўт дамламаси ишлатилади. 2 ош қошиқ тўғралган ўти устига 1,5 стакан қайноқ сув қуйилади. Бир ярим соатдан кейин дамлама фильтрланади ва кўплаб касалликларнинг олдини олиш учун 1-2 ош қошиқдан кунига 1-2 марта ишлатилади. 1 ош қошиқ қуритилган ўт устига 1 стакан қайноқ сув қуйилади, бир соат давомида дамланади ва фильтрланади. Қазғоқдан қутулиш учун соч илдизларига суртилади. Бир стакан сувга 40 г янги ўт солинади, 2 соат давомида дамланади, сизиб олинади, иккита товуқ тухумининг оқсили қўшилади ва кун давомида ичилади. Даволаш 7-10 кун давомида амалга оширилади. Бир ош қошиқ қуруқ ўтга 200 сув қуйилиб, 15 дақиқа давомида қайнатилади, 2 соат давомида дамланади ва фильтрланади. 1-2 ош қошиқдан кунига 3 марта дамламадан ичилади. 50 г қуруқ ўсимликни 1 стакан сувда 15 дақиқа давомида қайнатиб олиб, сўнгра термосга қуйилади ва тахминан 2 соат давомида дамланади. Артрит хуружларида овқатдан олдин 1 ош қошиқдан кунига 3 марта ичилади, 1 ош қошиқ янги узилган ўсимликни 10 дақиқа қайнатиб олинади, 2 соатга қолдирилади, илиқ нарса билан ўралган ҳолда, фильтрлангандан сўнг кунига 1-2 ош қошиқдан 3-4 марта бўғим оғриқларида ичилади. Жигар ва буйрак касалликлари: буйрак касалликларида семизўт новдаларига қайноқ сув билан қуйилади. Аралашма тўрт соат давомида дамланади ва овқатдан олдин кунига уч марта ичилади. Жигар ва ўт пуфаги касалликларида 10-20 г семизўт ўти, 2 г уруғига бир стакан қайноқ сувдан солиб, дамлама тайёрланади. Дамламани кунига уч марта бир ош қошиқда ичиш керак. Ярали колитда семизўт қайнатмаси яхши ёрдам беради. Қайнатмани тайёрлаш учун 1 ош қошиқ қуритилган семизўтга ва 200 мл қайноқ сув керак бўлади. Аралашма 10 дақиқа давомида қайнатилади, шундан сўнг уни икки соат давомида тиндирилади. Қайнатмани фильтрлаш керак ва кунига 1-2 ош қошиқдан 3 марта ичиш керак. Импотенция ҳолатида семизўт дамламаси тайёрланади. Дамламани тайёрлаш учун 1 ош қошиқ қуруқ ўт ва 200 мл қайноқ сув керак бўлади. Аралашма хона ҳароратида бир соат давомида дамланади, сўнгра сизиб олинади. Ушбу дамламани кунига 3-4 марта 2 ош қошиқдан ичиш лозим. Семизўт косметологияда узоқ вақт давомида ишлатилган. Ўсимлик таркибий қисмлари ҳужайралар янгиланишига ёрдам беради, терини юмшоқ ва майин қилади. Ҳужайраларни ёшартириш таъсири содир бўлади, чуқур бўлмаган ажинлар йўқолади. У ҳар қандай турдаги тери учун ишлатилиши мумкин. Портулак сочни парвариш қилишда ҳам фойдалидир. Косметологияда семизўтдан рецептлар: қуруқ тери учун ниқоб: 2 ош қошиқ ўтларни 1 чой қошиқ зайтун мойи ва 1 чой қошиқ асал билан аралаштирилади. Тайёрланган ниқоб юзга суртилади ва 10-15 дақиқа ушлаб турилади. Шундан сўнг, юзни илиқ яшил чойга намланган пахта билан ювиш мумкин. Қайнатилган салқин сув билан ювилади; озиқлантирувчи ниқоб: 2 ош қошиқ майдаланган ўсимлик барглари, 1 чой қошиқ сметана, 4 ош қошиқ творог аралаштирилади. Олинган ниқобни юз, бўйин ва кўкрак усти соҳасига сурилади. Ниқобни 15 дақиқа ушлаб турилади, сўнгра ромашка ёки петрушканинг илиқ дамламаси билан ювилади ва намловчи воситани сурилади; ёғли ва нормал тери учун ниқоб: ўсимликнинг ёш кўкатлари эзилмаси (2 ош қошиқ) ва сули бўтқаси (1 чой қошиқ) билан аралаштирилади. Олинган ниқобни юзга қўлланилади. Уни 15 дақиқа ушлаб туриш мумкин, кейин хона ҳароратидаги сув билан юз ювилади; Қазғоқдан қутилиш учун дамламаси: 1 ош қошиқ қуруқ ўтни бир стакан қайноқ сувда 1 соат давомида қайнатилади, шундан сўнг қайнатмани сизиб олинади. Олинган косметик воситасини ҳар ювишдан кейин бош терисига суртиш керак.

Бошқа хусусиятлари

Озуқабоп, косметологияда ишлатилади.

Манба

1.https://agronomu.com/bok/1389-portulak-primenenie-lechebnye-svoystva-i-protivopokazaniya.html 2.https://good-tips.pro/index.php/health/purslane-plant-for-health 3.https://ogorodniki.com/article/portulak-osobennosti-i-retsepty-lekarstvennykh-nastoev

Эслатма

Маълумот киритилмаган

Тадқиқот давомида олинган маълумотлар

Маълумот киритилмаган