Pinus sylvestris L.

Кимёвий таркиби

Қарағай куртаклари таркибида пинен, лимонен, борнеол, борнил ацетат, кадинен бўлган эфир мойи (0,36%) мавжуд; қатронлар, крахмал, танинлар, аччиқ модда (пиницикрин). Аскорбин кислотаси, каротин, В витаминлари, пантотеник кислота (3,8-13,7 мкг/г), қишда ва эрта баҳорда кўпроқ тўпланган антоциан бирикмалари, танинларнинг тахминан 5%, алкалоидлар топилган.

Ишлатиладиган қисми

Куртаклари, барглари, қатрони

Фойдаланиш учун кўрсатмалар

Қарағай куртаклари қайнатмаси нафас йўллари эпителиясининг секретор фаоллигини рағбатлантиришда балғам кўчирувчи восита, балғамни суюлтиришга ёрдам беради, кирпикли эпителия функциясини рағбатлантиради. Бундан ташқари, қарағай куртаклари сийдик ҳайдовчи, қон тўхтатувчи, яллиғланишга қарши, дезинфекцияловчи таъсирга эга. Қарағай игналаридан тайёрланган препаратлар балғам кўчирувчи, микробларга қарши, дезинфекцияловчи, сийдик ҳайдовчи, цингага қарши, оғриқ қолдирувчи ҳусусиятга эга.

Рецептлар

Қарағай куртакларининг қайнатмаси: 10 г. (1 ош қошиқ) хом ашё эмалланган идишга солинади, 200 мл иссиқ қайнатилган сув қуйилади, қопқоғи ёпилади ва қайноқ сув ҳаммомида 30 дақиқа давомида қайнатилади, кейин 10 дақиқа давомида совутилади, сизиб олинади. Қайнатма қайнатилган сув билан 200 мл га келтирилади . Қайнатма салқин жойда 2 кундан ортиқ сақланмайди. Балғам кўчирувчи ва дезинфекцияловчи восита сифатида овқатдан кейин кунига 1/4-1/3 стакандан 2-3 марта ичилади. Қарағай игналари дамламаси. Игналарига оз миқдорда совуқ қайнатилган сув билан солиб, майдаланади, сўнгра 3 ёки 9 баробар нисбатда сув қуйилади. Лимон кислотаси билан таъмга қараб қўшилади, 20-40 дақиқа қайнатиб олинади ва 1-3 соат дамланади. Кейин фильтрланади ва кунига 1/4-1/2 стакандан ичилади. Шу тарзда тайёрланган дамлама таркибида 15 дан 25 мг% гача аскорбин кислотаси мавжуд. Янги игналар совуқ сув билан ювилади, қайчи билан майда кесилади (4 стакан), 500 мл совуқ сув қуйилади, нордонлаш учун 2 чой қошиқ сиркаси қўшилади ва қоронғи жойда 2-3 кун туриб, кейин фильтрланади. Кунига 1 стакандан ичилади. Витаминли қайнатма. 50 г (5 ош қошиқ) қарағай ёки арча игналарига 250 мл қайнаётган сув солиб, 20-30 дақиқа сув ҳаммомида қайнатилади. Таъмни яхшилаш учун қайнатмага асал ёки шакар қўшилади. Эрталаб ва кечқурун 1/2 стакандан ичилади. Қарағай куртаклари дамламаси: 10 г майдаланган хом ашёга 250 мл қайноқ сув қуйилади, 4 соат давомида дамланади, кейин фильтрланади. Ҳар 1-2 соатда 3 ош қошиқдан ичилади. Қарағай игналари, қарағай куртаклари дамламаси: 0,5-1 кг игналилари ва куртакларига 3 литр қайноқ сув қуйилади, 3 соат тиндириб, кейин фильтрланади. Ванналар учун ишлатилади. Қатронининг дамламаси. Янги қатрони қуёшда 9 кун давомида сувга қуйилади. 1 чой қошиқдан кунига 2-3 марта ичилади. Қарағай куртакларининг қайнатмаси: 15 г ёш пояларининг учки қисмлари олиниб, устига 500 мл қайноқ сут қуйилади, кейин 10 дақиқа давомида паст оловда қайнатилади ва яна 2 соат давомида дамланади. Бир кунда 3 марта ичилади.

Бошқа хусусиятлари

Манзарали, техник, қурилишда ишлатилади.

Манба

1.Губанов И. А. и др. Дикорастущие полезные растения СССР / отв. ред. Т. А. Работнов. – М.: Мысль, 1976. – С. 43. 2.https://cz.siberianhealth.com/ru/blogs/ingredients/sosna/ 3.http://www.fito.nnov.ru/special/aether/pinus_silvestris/ 4.http://www.xn--24-6kct3an.xn--p1ai/%D0%9B%D0%B5%D0%BA%D0%B0%D1%80%D1%81%D1%82%D0%B2%D0%B5%D0%BD%D0%BD%D1%8B%D0%B5_%D1%80%D0%B0%D1%81%D1%82%D0%B5%D0%BD%D0%B8%D1%8F/sosna_obyknovennaya.html

Эслатма

маданийлаштирилган

Тадқиқот давомида олинган маълумотлар

Маълумот киритилмаган