Morus alba L.

Кимёвий таркиби

Оқ тут баргларида танинлар (3,2-3,7%), флавоноидлар (1% гача), кумаринлар, органик кислоталар, қатронлар, эфир мойи (0,03-0,04), стеринлар (β-ситостерин, капестерин) мавжуд. Мевалари асосан моносахаридлар билан ифодаланган 12% гача шакарлар (баъзида 23% гача), 1,5% гача азотли моддалар, 0,1% гача фосфор кислотаси, флавоноидлар, каротин, пектин, органик кислоталар (олма, лимон), бироз С витамини ва танинларни ўз ичига олади.

Ишлатиладиган қисми

Фойдаланиш учун кўрсатмалар

Асосий поя ва илдизининг пўстлоғи қайнатмаси балғам кўчирувчи восита сифатида йўтал, бронхит, бронхиал астмада, сийдик ҳайдовчи, шунингдек, эпилепсия ва гипертензияда ишлатилади. Илдизларнинг пўстлоғининг шарбати гижжага қарши восита сифатида оч қоринга ичилади. Баргларининг дамламаси шамоллаш касалликларида иситма туширувчи сифатида ишлатилади. Янги баргларнинг шарбати тиш оғриғини енгиллаштиради. Янги узилган мевалар ошқозон ва ўн икки бармоқли ичак ярасида ишлатилади. Тут меваларидан тайёрланган сироп юрак-қон томир касалликлари, анемия, қон тўхтатувчи восита сифатида туғруқдан кейинги ва бачадондан қон кетишда, эшак еми ва скарлатинада ишлатилади.

Рецептлар

Мевалар танани семиртиради, кучини оширади, буйрак ёғини оширади, сийдикни ҳайдайди, ичакларни ва барча қаттиқликларни юмшатади. Улар қон босимини пасайтиради ва қизилчада даво ҳисобланади. Ёмғир сувида қайнатилган ва ташқи томондан қўлланиладиган тут барглари сочларни қора қилади. Агар тутнинг илдизларини майдалаб, сирка билан аралаштириб, ҳаммомда танага суртилса у эски аллергия, даволанмайдиган яраларни даволайди. Барг кукуни ташқи томондан қўлланилганда қадоқларни, яраларни даволайди. Пишмаган тут мевалари сирка билан ташқи томондан қўлланилганда, теридаги ёриқлар, аллергияни даволайди. Агар 35 г тут барглари шарбати ичилса у ҳашаротлар заҳарларини танадан чиқариб ташлайди. Марказий Осиё мамлакатлари халқ табобатида оқ тут мевалари овқат ҳазм қилиш ва қон ишлаб чиқарувчи органларнинг ишини яхшилаш учун ишлатилади. 2 чой қошиқ (қуруқ) тут баргларига бир стакан сув солинади. Бундай восита шамоллашда ёрдам беради (у томоқни чайқаш учун жуда мос келади), шунингдек, бу восита сийдик ҳайдовчи таъсирга эга ва танадан барча токсинларни чиқариб ташлашга ёрдам беради. Тут меваларидан дамланган чой гипертензияда муваффақиятли восита бўлиб, қон босимини пасайтиради.

Бошқа хусусиятлари

Озуқабоп, ем-хашак, техник, тут ипак қурти учун барглари ем ҳисобланади.

Манба

1.Гаммерман А. Ф., Кадаев Г. Н., Яценко-Хмелевский А. А. Лекарственные растения : справ. пособие. – М.: Высш. шк., 1983. С. 314-315. 2.https://cyberleninka.ru/article/n/shelkovitsa-kak-lechebnoe-sredstvo-drevney-i-sovremennoy-meditsiny 3. https://agronomu.com/bok/801-primenenie-shelkovicy-polza-i-vred-dlya-zdorovya-cheloveka.html

Эслатма

Маданийлаштирилган

Тадқиқот давомида олинган маълумотлар

Маълумот киритилмаган