Lithospermum officinale L.

Кимёвий таркиби

Доривор чумчуқўт ўсимлигининг ер устки қисмида минерал тузлар, шиллиқ моддалар, органик ва фенолик кислоталар, флавоноидлар ва пигментлар мавжуд. Доривор чумчуқўтнинг илдизларида шакар, минерал бирикмалар, флавоноидлар, углеводлар, фенолик кислоталар ва қизил пигмент мавжуд. Баргларда литоспермик кислотаси, меваларида фосфолипидлар, литоспермик кислота, мой (17-20%) мавжуд.

Ишлатиладиган қисми

Фойдаланиш учун кўрсатмалар

Доривор чумчуқўт ўсимлигининг пишган уруғлари диуретик, литонтрипик ва окситоцитик таъсирга эга. Улар кукунга айлантирилади ва сийдик пуфагидаги тошларни, артритни ва иситмани даволаш учун ишлатилади. Баргларидан тайёрланган тиндирмаси тинчлантирувчи восита сифатида ишлатилади. Илдиз ва поясининг қайнатмасидан тайёрланган сиропи чечак, қизамиқ, қичима каби тошмаларни даволашда ишлатилади. Ўсимликнинг барча қисмларида гипофиз безидан гонадотропик гормон секрециясини тўхтатувчи модда мавжуд. Ўсимлик экстрактлари контрацептив хусусиятларга эга. Эзилган ер устки қисмидан тайёрланган порошоклари терининг лат еган ёки кўкарган жойларига қўлланилади.

Рецептлар

Ўсимлик дамламаси: 50 г майдаланган хом-ашё 0,5 литр қайноқ сув қуйиб, 10 дақиқа тиндириб сизиб олинади. Овқатдан олдин 3-4 дозада кун давомида ичиш тавсия этилади. Дисменорея ва гипертироидизмнинг енгил шакллари учун тавсия этилади. Ароқдаги ўсимлик настойкаси (1:10). 2 ҳафта давомида сақланади. Овқатдан олдин кунига 3 маҳал 30-50 томчидан сув билан ичилади.

Бошқа хусусиятлари

Барглар чой ўрнини босувчи сифатида ишлатилади, ёрқин қизил бўёқ олинади.

Манба

1.Губанов, И. А. и др. 1060. Lithospermum officinale L. — Воробейник лекарственный // Иллюстрированный определитель растений Средней России. В 3 т. — М.: Т-во науч. изд. КМК, Ин-т технолог. иссл., 2004. — Т. 3. Покрытосеменные (двудольные: раздельнолепестные). — С. 93. — ISBN 5-87317-163-7. 2. Дадабаева О. Дикорастущие лекарственные растения флоры Таджикистана// Худжанд: «Рахим Джалил» – 1996, – 586 с. 3.Сахобиддинов С.С. Дикорастущие лекарственные растения Средней Азии. Ташкент: Госиздат УзССР -1948, -216 с. 4.Chopra R.N., Nayar S.L., Chopra I.S., Glossary of Indian medicinal plants. – New Dehli. 1986. – 330 P. 5.https://www.dissercat.com/content/khimicheskii-sostav-i-biologicheskaya-aktivnost-khinoidnykh-i-polifenolnykh-soedinenii-iz-da 6. https://herbana.world/plant/vorobejnik-lekarstvennyj.html 7. https://lektrava.ru/encyclopedia/vorobeynik-lekarstvennyy/ 8.https://temperate.theferns.info/plant/Lithospermum+officinale

Эслатма

Ҳозирги вақтда доривор чумчуқўт ўсимлигидан фойдаланишга қуйидаги контрендикациялар маълум: ҳомиладорлик, жигар етишмовчилиги, қалқонсимон без ва гипофиз етишмовчилиги. Эмизикли аёллар ва болалар учун доривор чумчуқдан фойдаланиш тавсия етилмайди.

Тадқиқот давомида олинган маълумотлар

Маълумот киритилмаган