Lagochilus inebrians Bunge

Кимёвий таркиби

Ўсимликнинг гуллари ва баргларида 4 атомли спирт бўлган лагохилин мавжуд. Баргларда, шунингдек, эфир мойи (0,03%), танинлар (11-14%), шакар, органик кислоталар, аскорбин кислотаси, каротин, К витамини, микроэлементлар, кальций тузлари, илдизларда – танинлар ва шакар мавжуд.

Ишлатиладиган қисми

Фойдаланиш учун кўрсатмалар

Бозулбанг турли хил келиб чиқадиган қон кетиш учун ишлатилади (преклимактерик, балоғатга етмаган, бачадон фиброматози асосида, травматик, геморроидал, ўпка, бурун ва б.), шунингдек, операциядан олдин қон кетишининг олдини олиш, тиш олиниши, кутиладиган оғир ҳайздан олдин, гемофилия, Верльгоф касаллиги, Шенлейн-Генох ва бошқа геморрагик диатез касалликларида ёрдамчи сифатида ишлатилади. Гемофилия билан оғриган беморларда ўсимлик препаратлари таъсирида қон кетиш камайиши, бўғимларда ва тери ости тўқималарида гематомаларни тезроқ сурилиши ва қондаги антигемофилия гамма глобулинлар миқдорини ошиши кузатилган. Гемофилияда ўсимлик препаратлари оғиз орқали ҳам, ташқи томондан ҳам қўлланилади. Ўислик дамламаси билан дока салфеткалари намланади ва қон кетаётган тўқималарга қўлланилади. Глаукомада ўсимлик дамламаси ичга буюрилади. Шунингдек, у ревматизм билан оғриган беморларни капилляр ўтказувчанлигини камайтириш ва салицилатларнинг гипокоагуляцион таъсирини камайтириш, шунингдек, десенсибилизация қилувчи восита сифатида комплекс даволашда қўлланилади. Ўсимлик препаратлари юқори ҳарорат ва қуёш нурланишининг кучайиши шароитида инсоннинг ишлаши ва чидамлилигини оширади. Марказий асаб тизимининг функционал касалликлари бўлган беморларда ўсимлик препаратларини қўллашда ижобий натижаларга эришилган. Клиник яхшиланишнинг асоси препаратнинг седатив таъсири ҳисобланади, бунинг натижасида уйқу яхшиланади, аффектив қўзғалувчанлик, кўз ёшлари ва бошқа аломатлар йўқолади.

Рецептлар

Болаларда экссудатив диатезда ўсимлик дамламаси ичга қабул қилинади, шунингдек, бошқа доривор препаратлар билан биргаликда 0,1-0,5% дамлама қўшилган ванналар қўлланилади. Бозулбанг билан даволашнинг қулай натижалари экзема ва қизил текис темираткиси бўлган беморларда ҳам қайд этилган. Дамламаси (1:20) 1 ош қошиқдан кунига 3 марта буюрилади. Даволаш курсининг давомийлиги 1,5-2 ой. Ўсимлик баргларидан 1:10 ёки 1:20 нисбатда тайёрланади. Барглар 5 мм дан ошмайдиган заррача катталигига қадар эзилади, хона ҳароратидаги сув билан тўлдирилади, қайноқ сув ҳаммомига солинади, 15 дақиқа давомида тез-тез аралаштириб, иситилади, хона ҳароратида 45 дақиқа совутилади. Тинчлантирувчи сифатида дамлама катталарга 1 ош қошиқдан кунига 3-6 марта буюрилади. Дамламанинг дозаси касалликка қараб ўзгаради. Сурункали қон кетиш ва гинекологик операциялардан кейин қон йўқотишнинг олдини олиш учун 2 ош қошиқ дамламасидан кунига 3-5 марта қўлланилади. Геморрагик диатезда дамламаси 1/2 стакандан кунига 3-5 маҳал тавсия этилади. Маҳаллий фойдаланиш учун асепсия қоидаларига мувофиқ тайёрланган 1:10 дамламаси тайёрланади.
Ўсимлик настойкаси – қиздирадиган таъмга эга шаффоф ароматик суюқлик. Баргларидан 70% спиртда тайёрланади. 1 чой қошиқдан кунига 3 марта 1/4 стакан сувга солиб ичилади. Қон кетишни тўхтатиш учун ҳар 2 соатда 1/4 стакан сувда 1-2 чой қошиқ настойка қўшиб ичилади. Қон кетишининг пасайиши билан дамламанинг кунлик дозаси камайтирилади. Геморрагик диатезда 3 чой қошиғидан кунига 5 маҳал қабул қилиш учун буюрилади.

Бошқа хусусиятлари

Маълумот киритилмаган

Манба

1.Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с. 2. Хожиматов O.K. Лекарственные растения Узбекистана (свойства, применение и рациональное использование) // Ташкент: «Маънавият» – 2021, – 328
3. Чиков П. С. Атлас ареалов и ресурсов лекарственных растений СССР. — М.: Картография, 1983. — 340 с. 4.http://plant.geoman.ru/books/item/f00/s00/z0000004/st053.shtml 5. https://planta-medica.uz/lagochilus-inebrians-bunge-zajczegub-opyanyayushhij/

Эслатма

Маълумот киритилмаган

Тадқиқот давомида олинган маълумотлар

Маълумот киритилмаган