Curcuma longa L.

Кимёвий таркиби

Куркума таркибида эфир мойлари ва кўплаб фойдали моддалар мавжуд: C, К ва В витаминлари, темир, фосфор, долин, йод ва кальций. 100 г зираворда 2-7% озуқавий минераллар, 3-7% эфир мойлари, 6-8% оқсил, 60-70% углеводлар ва 3-7% ёғлар мавжуд.

Ишлатиладиган қисми

Фойдаланиш учун кўрсатмалар

Куркуманинг афзалликлари метаболик касалликлар, семириш ва бошқа хавфли касалликларга олиб келиши мумкин бўлган сурункали яллиғланишни камайтиришда кўринади, масалан, юрак-қон томир тизими билан боғлиқ касалликлар. Зиравор, шунингдек, бўғимларнинг шишишини камайтириш орқали артрит касаллигида фойдали таъсир кўрсатади. Куркумани мунтазам истеъмол қилиш жигар касалликларини ривожланиш хавфини камайтиради, шунингдек, эски мавжуд касалликларнинг аломатларини камайтиради, масалан, гепатит. Бундан ташқари, у парадонтит, ҳайздан олдинги синдром, қандли диабет, диарея, ҳазмсизлик, псориаз касалликларининг ривожланишини секинлаштириши ёки аломатларини камайтириши мумкин.

Рецептлар

Куркумани оддий илиқ сув билан аралаштириш мумкин, уни чой ва қаҳвага қўшиб ичиш мумкин, асал ва сутга асосланган витаминли ичимликлар тайёрлаш ҳам мумкин. Терапевтик таъсирга эришиш учун ҳар куни 1 ош қошиқдан фойдаланиш лозим. Шамоллашда куркума: вирусга қарши ва тикловчи таъсири туфайли куркумани шамоллашда ишлатиш тавсия этилади. Бу тезроқ тикланишга, шунингдек, касалликдан кейин кучни тиклашга ёрдам беради. Бунинг учун зираворни асал билан аралаштириб, ҳар бир-икки соатда бир қошиқдан ейиш мумкин. Бундан ташқари, у иссиқ сут ёки чойга қўшилади. Куркумадан олтин сут: куркума «олтин сут»ининг фойдали томони ёшликни узайтириш ва ички органларнинг фаолиятини яхшилайди, деган фикрлар бор. Таркиби: сут – 1 стакан; сув – 50 мл; кокос мойи – 1 чой қошиқ; куркума – 1 чой қошиқ; асал – 1 чой қошиқ. Тайёрлаш усули: оловга сув қўйиш керак. У қайнаганда, бир қошиқ куркума солинади ва 5-7 дақиқа давомида пиширилади, сўнгра сут ва кокос мойи қўшилади ва яна бир неча дақиқа давомида оловда ушланади. Бир оз совутилган сўнг ичимликка асални қўшиб, аралаштириш керак. Қора қалампир билан куркума: қора қалампир билан куркумадан ичимлик тайёрлаш учун куркумадан бир ёки икки чой қошиғини бир стакан иссиқ сутга солиб, бир чимдим қалампир қўшилади. Кейин аралашма аралаштирилади, озгина совийди ва таъмга кўра асал солинади. Қора қалампир туфайли куркума яхшироқ сўрилади. Ушбу аралашма яллиғланишга қарши ва антиоксидант таъсирга эга, танани тозалашга ёрдам беради, шунингдек овқат ҳазм қилиш тизимига ижобий таъсир кўрсатади, деган фикрлар мавжуд.

Бошқа хусусиятлари

Озуқабоп, бўёқли

Манба

1.https://ecosh.ee/ru/%D0%BA%D1%83%D1%80%D0%BA%D1%83%D0%BC%D0%B8%D0%BD-%D0%BB%D0%B5%D1%87%D0%B8%D1%82-%D0%B2%D0%BE%D1%81%D0%BF%D0%B0%D0%BB%D0%B5%D0%BD%D0%B8%D1%8F-%D0%BE%D1%87%D0%B8%D1%89%D0%B0%D0%B5%D1%82-%D0%B8-%D0%B2/ 2.https://ria.ru/20210309/kurkuma-1600509253.html

Эслатма

Маданийлаштирилган

Тадқиқот давомида олинган маълумотлар

Маълумот киритилмаган