Capsella bursa-pastoris (L.) Medik.

Кимёвий таркиби

Оддий жағ-жағ ўсимлигининг ер устки қисми таркибида гиссопин гликозиди, бурсо кислотаси, фумадин, олма, вино кислоталари, холин, ацетилхолин, тирамин, инозит, аскорбин кислотаси ва сапонинлар мавжуд. Уруғиларида 28% ёғли мойлар ва оз миқдорда аллил хантал мойи мавжуд.

Ишлатиладиган қисми

Ўсимликни ер устки ва ер остки қисмлари. Ўсимлик уруғи.

Фойдаланиш учун кўрсатмалар

Оддий ачамбити ўти тиндирма ва экстрактлари гинекологик касалликларда қон тўхтатувчи восита сифатида ва бачадон мускулатурасини ишини кучайтириш мақсадида фойдаланилади. Қонли балғам ва ўпка сил касаллиги билан оғриган беморларни даволашда ўсимлик дамламасидан самарали фойдаланиш ҳақида далиллар мавжуд. Ташқи яраларни ва йирингли яраларни, кесилган жойларни даволаш учун ишлатилади. Кичкина яралар ва кўкаришларда ўсимликнинг тоза янги шарбати компресслари қўлланилади.

Рецептлар

Ўсимликдан дамлама тайёрлаш: 2 чой қошиқ хом ашёга 300 мл қайноқ сув қуйиб, 15 дақиқа давомида сув ҳаммомида қайнатилади ва сизиб олинади. Дамлама аёлларнинг қон кетишини тўхтатиш ва ичак яраларида овқатдан олдин кунига 3 маҳал ярим стакан ичилади.
Қон томирлари учун дамлама тайёрлаш: 1 чой қошиқ майдаланган ўт баргларини бир стакан қайнатиб совутилган сув ёки булоқ суви билан аралаштирилади ва 8 соат дамланади. Гипертензия касаллигида овқатдан 1-2 дақиқа олдин 30 ош қошиқдан ичилади. Дамлама қон томирларини кенгайтириш хусусияти ва қон айланишига ижобий таъсири туфайли у қон босимини пасайтириш ва ошириш учун қўлланилади, аммо қон босимини мунтазам равишда ўлчаш тавсия этилади ва дамламани дозаси даволовчи шифокор билан белгиланади.
Чой тайёрлаш: 1 чой қошиқ қуритилган ўтларни стаканга солиб устига қайноқ сув қўшилади. Қон босимини барқарорлаштириш учун овқатдан олдин кунига 2 стакандан, эрталаб ва кечқурун ичилади.
Буйраклар ва жигар учун шарбат тайёрлаш: янги ўсимлик шарбатини сиқиб олиб, уни блендерда майдаланади. Олинган шарбатни 1:1 сув билан суюлтирилади. Жигар ва буйрак касалликлари учун кунига 3 маҳал 40 томчи ичилади. Ўсимликдан олинган янги шарбатни сув билан суюлтириб бурунга томизиш орқали бурун қонашига қарши ҳам ишлатиш мумкин.
Эркаклар ва аёлларга сийдик-таносил тизими касалликларида шарбатини қабул қилиш тавсия этилади. Ўсимлик пиелонефрит, цистит ва буйрак-тош касалликларини даволаш учун доривор препаратлар таркибига киритилган.
Дамлама тайёрлаш: 2 ош қошиқ ўсимликни 2 ош қошиқ отқулоқ билан аралаштириб, 3 стакан қайноқ сув қуйилади ва термосга дамланади.
Сил касаллигида: бошқа ўтлар ва дорилар билан биргаликда ўсимликнинг сил касаллигида қонли балғамни тўхтатиш, йўтал ва спазмларни камайтириш учун ишлатилади.
Дамлама тайёрлаш: 2 чой қошиқ 200 мл қайноқ сув қуйиб, 1 соат дамлаб сизиб олинади. Кун давомида дамламани қонли балғамни даволаш учун 1 ош қошиқдан ичилади.
Қайнатма: 2 ош қошиқ ўсимлик 1 ош қошиқ эман дарахти пўстлоғи ва 100 мл вино билан аралаштириб ва 500 мл қайнатилган сув қўшилади. Ёпиқ идишда 10 дақиқа давомида қайнатилади. Қайнатма кун давомида оғир сил касаллигида совитиб ичилади.
Тери, аллергия ва яраларга суртиб даволаш учун: табиблар томонидан ўсимликнинг ер устки қисмидан тайёрланган дамламаси ёки ўтларнинг қайнатма компрессларини қўллаш орқали фойдаланишни тавсия қилади. Ёғли терини ўсимликдан тайёрланган қайнатмаси билан артиш тавсия этилади.

Бошқа хусусиятлари

Маълумот киритилмаган

Манба

1.Дадабаева О. Дикорастущие лекарственные растения флоры Таджикистана// Худжанд: «Рахим Джалил» – 1996, – 586 с. 3.Сахобиддинов С.С. Дикорастущие лекарственные растения Средней Азии. Ташкент: Госиздат УзССР -1948, -216 с. 3.Хожиматов O.K. Лекарственные растения Узбекистана (свойства, применение и рациональное использование) // Ташкент: «Маънавият» – 2021, – 328 с. 4.https://www.kp.ru/putevoditel/zdorove/pastushya-sumka/ 5.https://www.pro-rasteniya.ru/lekarstvennie-rasteniya/pastushya-sumka-nastoy-nastoyka-otvar-chay-sok-ekstrakt-pastushey-sumki 6.https://planta-medica.uz/capsella-bursa-pastoris-l-medik-pastushya-sumka-obyknovennaya/

Эслатма

Маълумот киритилмаган

Тадқиқот давомида олинган маълумотлар

Маълумот киритилмаган