Achillea millefolium L.

Кимёвий таркиби

Оддий бўймодарон ўсимлиги барглари ва тўпгулларида эфир мойи мавжуд бўлиб, у азулен, эфирлар, камфора, туйол, цинеол, кариофиллен, чумоли, сирка ва изовалериан кислоталарни ўз ичига олади. Ўсимлик таркибида танинлар, қатронлар, аччиқ, витаминлар, алкалоидга ўхшаш ахиллиен моддаси ва бошқалар мавжуд.

Ишлатиладиган қисми

Тўпгуллари, ўсимликнинг ер устки қисми

Фойдаланиш учун кўрсатмалар

Оддий бўймодарон ўсимлиги яллиғланишга қарши ва бактерицид хусусиятларга эга. Ошқозон-ичак йўлидаги турли касалликлари, ошқозон яраси ва гастрит учун дамламалар, экстрактларнинг қайнатмалари шаклида қўлланилади.
Ошқозон ва иштаҳани очадиган чойлар таркибига киритилган. Қичитқи ўти билан оддий бўймодарон ўсимлигидан тайёрланган препаратлар ички ва ташқи қон кетганда қонни кўпайтириш ва тинчлантирувчи восита сифатида буюрилади.

Рецептлар

Оддий бўймодарон шарбатини соч тўкилганда, 14 кун давомида кунига 2 марота бош терисига суртиш тавсия этилади. Ўсимликнинг сув тиндирмаси: 2 ош қошиқ қуритилганидан олиб 1 стакан қайноқ сув солинади, паст оловга қўйиб 15 дақиқа қайнатилади. Хона ҳароратида совутилади, сузгичдан ўтказилади. Аёллар касаллигида ва овқат ҳазм қилиш тизими касалликларини даволаш учун овқатдан ярим соат олдин кунига 3 маҳал ярим стакандан қабул қилинади. Тери касалликларини даволаш учун дамлама: 2 ош қошиқ қуруқ бўймодарон ўтига ярим литр қайноқ сув солинади, уни 1 соат тиндирилади, сизиб олинади. Овқатдан олдин кунига 4 маҳал 0,5 стакандан ичилади. Ушбу дамламани куйганда, йирингли яралар ва тери яраларини даволаш учун ташқаридан компресс сифатида ишлатиш мумкин (самарадорликни ошириш учун мойчечак дамламасини қўшиш мумкин). Оддий бўймодарон ва рута аралашмаси юрак тез уришида ишлатилади, 1 стакан вино ёки ароққа 24 томчи шарбатидан солиб, кунига 2 маҳал ичиш тавсия этилади. Янги ўсимликдан олинган шарбатини зайтун мойи (1:10) билан аралаштирилганда, тери туберкулёзини ва фурункулезини даволашда ёрдам беради. Оғриқли жойга боғлаб қўйилади, у кунига 1 маҳал ўзгартирилади. Янги шарбати асал билан таъмга қараб аралаштирилади кунига 3 чой қошиқдан истеъмол қилинади. 30% ли спирт қўшилган тиндирмаси кунига 30-40 томчидан 3 маҳал ичилади.

Бошқа хусусиятлари

Эфир мойли ва манзарали ўсимлик. Ветеринария тиббиётида бўймодарон бузоқлар учун антигельминтик восита сифатида ва ошқозон-ичак касалликларида ишлатилади. Ўсимликни пичан билан аралаштириб ҳайвонларга берилганда ҳазм бўлишига ёрдам беради.

Манба

1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
5. Дадабаева О. Дикорастущие лекарственные растения флоры Таджикистана// Худжанд: «Рахим Джалил» – 1996, – 586 с. 6. Куцик Р.В., Зузук Б.М. Тысячелистник обыкновенный // Журнал Провизор, №14, №15, 2002. – С. 5-7. 7. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с. 8.Сахобиддинов С.С. Дикорастущие лекарственные растения Средней Азии. Ташкент: Госиздат УзССР -1948, -216 с. 9. Хожиматов O.K. Лекарственные растения Узбекистана (свойства, применение и рациональное использование) // Ташкент: «Маънавият» – 2021, – 328 с. 10. https://planta-medica.uz/achillea-millefolium-l-tysyachelistnik-obyknovennyj/

Эслатма

Маълумот киритилмаган

Тадқиқот давомида олинган маълумотлар

Маълумот киритилмаган