Datura stramonium L.

Кимёвий таркиби

Барча органларда алкалоидлар, асосан гиосциамин, атропин, скополамин мавжуд: баргларида – 0,23-0,37%, поялари – 0,06-0,24%, илдизлари – 0,12-0,27%, гуллари – 0,13-1,9%, уруғлари – 0,08-0,22%. Бундан ташқари, бангидевона баргларида 0,04% гача эфир мойи, 0,1% гача каротин ва 1,7% танин мавжуд. Уруғлари таркибида 17-25% ёғли мойи мавжуд бўлиб, унга линолен кислота – 45%, олеин кислота – 40%, пальмитин кислота – 12%, стеарин кислота – 2% ва лигноцерин кислоталари киради.

Ишлатиладиган қисми

Фойдаланиш учун кўрсатмалар

Бангидевонанинг терапевтик таъсири гиосциамин ва бошқа алкалоидларнинг холинолитик, антиспазмодик таъсирига боғлиқ. Оддий бангидевона баргларига асосланган препаратлар талвасали йўтал ва бронхлар мушакларининг спазмларини йўқотиш учун самарали. Илдизлари. Кукуни – нафас олиш йўллари инфекцияларида ишлатилади. Ер устки қисми. Корея тиббиётида –бронхиал астма, нафас олиш йўллари инфекциялари, қусишда; спазмга қарши ва оғриқ қолдирувчи восита сифатида қўлланилади. Ташқи томондан жароҳатни даволаш, косметикада; тўғри ичакни тутиб қолишида ишлатилади. Гомеопатияда эссенцияси (янги ўсимликдан) – маниакал ҳолатларда, учламчи нервни невралгиясида ишлатилади. Ҳалқ табобатида асаб ва руҳий касалликлар, депрессия, истерия, нимфомания, қутуриш, ревматизм, конъюнктивит, кўк йўталда самарали. “Бангидевона ёғи” ташқи томондан – невралгия, ревматизмда; у салинимент ва мураккаб линимент – метилсалицилатнинг таркибий қисми бўлиб, бўғим ва мушак ревматизми, артрит, экссудатив плевритда оғриқ қолдирувчи ва яллиғланишга қарши восита ҳисобланади. Гомеопатияда настойкаси асаб ва руҳий касалликлар, бронхитда ишлатилади. Дамламаси, қайнатмаси невралгия, ревматизм, бронхиал астма, сарамас, приапизм, нимфомания, эпилепсия, гастралгия, коликлар, плеврит, стенокардия, утероптоз, тиришишлар, хорея, кўриш қобилияти йўқотилганда фойдалидир; янги ўсимлик (маҳаллий) – куйишда қўлланилади. Гуллари. Белоруссияда (кайнатма) – бронхиал астма ва эпилепсия касаллигида. Мевалари. Байкал ортида-ошқозоннинг хавфли ўсмаларида. Уруғлари. Гомеопатияда настойкаси маниакал ҳолатлар, учламчи нервнинг невралгияда ишлатилади. Халқ табобатида у ер устки қисмига ўхшаб ишлатиш тавсия этилади. Дамламаси фалажда; ташқи томондан – радикулитда фойдали. Қайнатмаси тиш оғриғида; ўсимлик мойи билан – экзема ва геморройда самарали.

Рецептлар

Бангидевона барги астмага қарши хусусиятга эга. Доривор ва ўсимлик хом ашёси сифатида у бронхиал астмани даволаш ва олдини олишда ишлатиладиган кукун ва сигаретларнинг бир қисмидир. Катталар учун энг юқори дозалар: битта марталик қабул учун – 0,2 г, кунлик – 0,6 г.
Бангидевона бронхиал астма, бронх касалликлар, депрессия, истерия, невралгия, артрит ва артроз, ярали касалликлар, тиш оғриғида дамлама шаклида алоҳида қўлланилади. Стенокардия ва эпилепсияда бангидевона гулларидан тайёрланган қайнатма ичилади. Бангидевона бачадон ёки йўғон ичакнинг қисман тушиб қолишида ажойиб воситадир. Кўзнинг яллиғланишида ҳам қайнатмадан примочкалар (суюлтирилган настойкаси) ишлатилади.
Бронхиал астма: бангидевона баргларининг дамламаси: 2 ош қошиқ хом ашёга 200 мл қайноқ сув қуйиб, сув ҳаммомида 5 дақиқа ушлаб турилади, сўнгра буғлардан бурун орқали 15-20 дақиқа давомида нафас олинади. Бангидевона қуруқ баргларини кукунга майдалаб, кукунни чекув трубкасига ёки шунчаки иссиқ кўмирга солинади ва тутундан нафас олинади.
Бангидевона мойи: оддий бангидевона ўсимлигининг уруғларидан олинади. Ушбу мойдан фойдаланишдан асосий мақсад терининг исталган қисмидаги тукларни олиб ташлашдир. Тукнинг илдизига кириб борган мой уни ичкаридан йўқ қилади. Ва бу шуни англатадики, бангидевона мойи билан ишланган бу жойда бошқа тук ўсмайди. Мойи қуйидагича қўлланилади: аввал эпиляция қилинади, сўнгра бир неча мл мойини олиб, янги тозаланган жойга суртиш керак. Бангидевона мойи нажасли тошлар ва ўт пуфагидаги тошларни ичакдан чиқариб ташлаш учун ҳам ишлатилади. Бу ошқозон-ичак тракти фаолиятини нормаллаштиради ва ичак моторикасини яхшилайди. Бангидевона мойида тинчлантирувчи модда ҳам бор, бунинг натижасида у асабий стрессга ёрдам беради. Ташқи томондан, бангидевона мойи радикулит, куйиш, артрит ва экземада ҳам ишлатилади.

Бошқа хусусиятлари

Маълумот киритилмаган

Манба

1.Хожиматов O.K. Лекарственные растения Узбекистана (свойства, применение и рациональное использование) // Ташкент: «Маънавият» – 2021, – 328 с. 2.http://www.xn--24-6kct3an.xn--p1ai/%D0%9B%D0%B5%D0%BA%D0%B0%D1%80%D1%81%D1%82%D0%B2%D0%B5%D0%BD%D0%BD%D1%8B%D0%B5_%D1%80%D0%B0%D1%81%D1%82%D0%B5%D0%BD%D0%B8%D1%8F/durman_obyknovennyj.html 3 https://planta-medica.uz/datura-stramonium-l-durman-obyknovennyj/

Эслатма

Бангидевона заҳарли ўсимлик бўлиб, уни ишлатиш жуда эҳтиёткорликни талаб қилади.

Тадқиқот давомида олинган маълумотлар

Маълумот киритилмаган